Sampson Store 新一輪電子消費券攻略
電子消費券買咩好?買 condom,最開心!
一文睇清如何於 SampsonStore.com 使用電子消費券
自從「GOPHER 至抵呢鼠」格價專員降臨 SampsonStore.com 之後,我哋嘅顧客就已經可以全天候咁享盡全城至優惠產品!咁如果喺 SampsonStore.com 買嘢,再透過 Tap and Go 拍住賞、AlipayHK 支付寶香港 或 WeChat Pay HK 微信支付香港 用埋電子消費券,一蚊都唔駛喺自己銀包度出,仲唔係「抵上加抵」?
咁抵,仲駛乜周圍問人電子消費券到底點用好;依家就用一篇文嘅時間睇清楚點樣喺 SampsonStore.com 使用電子消費券啦!
於 SampsonStore.com 使用電子消費券步驟:
揀好心水產品,放好哂落購物車後,撳「結算」再完成埋揀選送貨方式同填妥收件地址等嘅必經步驟,就會去到落單流程嘅第四步 —【付款資料】。
呢個時候,顧客就可以自由選擇使用「已成功登記電子消費券並存有消費券餘額」嘅付款方式畀錢!SampsonStore.com 分別支援 Tap and Go 拍住賞、AlipayHK 支付寶香港 同 WeChat Pay HK 微信支付香港。
選擇完付款方式,就會去到落單流程第五步嘅【訂單確認】。顧客確認訂單資訊無誤之後,再撳埋「確認訂單」就可以進行付款!據政府消息公佈*,消費券金額將會獨立於帳戶內原有嘅電子錢包,所以顧客需要喺畀錢嗰陣自行選擇使用消費券,然後先繼續付款。
付款詳情如下:
拍住賞
選擇「信用卡」付款方式 (Apple Pay 或 Google Pay 亦適用) ,並以 Tap and Go 拍住賞 Mastercard 付款。顧客如透過 Apple Pay 或 Google Pay 付款,就要確保 Tap and Go 拍住賞 Mastercard 經已綁定帳戶。
支付寶香港
選擇「香港支付寶 / 支付寶香港」付款方式。付款時需要使用支付寶香港 App,掃描由 SampsonStore.com 系統所產生嘅二維碼 (QR code) 進行付款。
微信支付香港
選擇「微信支付」付款方式。付款時需要打開微信 App,掃描由 SampsonStore.com 系統所產生嘅二維碼 (QR code) 進行付款。
溫馨提示:顧客如果使用手機落單,而又選用 AlipayHK 支付寶香港 / WeChat Pay HK 微信支付香港 付款,記得先將 QR Code 儲存喺手機相簿,然後再用支付寶香港 / 微信 App 掃描相簿內嘅 QR code 圖像付款。再提提各位,每期發放嘅電子消費券均設有使用期效*,計劃使用消費券前記得要留意清楚呀!另外,如果使用消費券時需要協助,歡迎喺客戶服務時間內 (星期一至六;10:00 - 25:00) 致電 8192 7979 同我哋嘅客戶服務專員聯絡。